Мулоқоту вохӯриҳои Раиси шаҳр Ғ.Боҳирӣ дар ҷамоатҳои деҳот идома дорад. Рӯзи 7-октябр вохӯрии Раиси шаҳр дар ҷамоати деҳоти Ҳамробоев сурат гирифта, бо сокинони ин маҳал сӯҳбати гарму самимӣ ороста шуд. Раиси шаҳр зимни суханронии худ дар оғоз оид ба тарбияи дурусти фарзандон, пешгирии ҷудошавии оилаҳо, тарбияи арӯсони ҷавон аз тарафи хушдоманҳо, сафарбар намудани фарзандон ба хизмати ватан, оид ба тинҷиву ободии ватан ва якчанд пешравию дастовардҳои кишвари соҳибистиқлоламон истода гузашта, ҳозиринро ба эҳтирому дӯст доштани ҳамдигар, расидан ба қадри тинҷиву ободӣ ҳидоят намуд.

Сипас саволу ҷавобҳо доир шуда, иштирокдорон оид ба муаммову масъалаҳои ҳалталаби маҳал, пешбурди зисту зиндагонии сокинон саволу дархостҳо пешниҳод карда, посухҳо гирифтанд.