Бо мақсади шиносоӣ аз вазъи зисту зиндагонии сокинон, ҳал кардани масъалаву муаммоҳои ҳалталаб дар маҳалҳо, беҳтар гардонидани сатҳи зиндагии мардум мулоқоту вохӯриҳои Раиси шаҳр Ғ.Боҳирӣ дар ҷамоатҳои деҳот оғоз гардид.

Мулоқоти аввалин дар ҷамоати деҳоти Лоҳутӣ, деҳаи Қарақчиқум баргузор гардид. Вохӯрӣ асосан бо саволу ҷавобҳо сурат гирифта, сокинон оид ба масъалаву муаммоҳои гуногуни рӯзгору фаъолияташон, бурду бохти маҳал саволу дархостҳо пешниҳод карда, посухҳо гирифтанд.

                                   Саволу ҷавобҳо

Ҳамин тавр сокинони ҷамоати деҳоти Лоҳутӣ оид ба масъалаҳои зиёдшавии дохил шудани молу чорвои бегона ба заминҳои кишоварзӣ, таъминоти барқ ба пойгоҳҳои обкашии ҳудуди ҷамоат, фаъолияти нуқтаи Амонатбонк дар деҳаи Лоҳутӣ, таъминоти об ба соҳаи кишоварзӣ барои кишти тирамоҳӣ, ҷудо намудани участкаи наздиҳавлигӣ, таъминоти барқ ба муассисаи таҳсилоти умумии №29 ва ғайраҳо саволу пурсишҳо пешниҳод карда ҷавобҳо гирифтанд.

Ёдовар мешавем, ки марҳилаи аввали чунин мулоқоту вохӯриҳои Раиси шаҳр Ғ.Боҳирӣ охирҳои соли сипарӣ ва аввали соли ҷорӣ доир шуда буд. Марҳилаи 2-юми вохӯриҳо инак шурӯъ шуда, мулоқоти навбтии Раиси шаҳр санаи 1-октябр дар ҷамоати деҳоти Патар баргузор мегардад.