Дирӯз дар литсейи рақами 1 бахшида ба рӯзи бузургдошти сардафтари адабиёти форсу тоҷик, қофиласолори назм Абӯабдуллоҳ Рӯдакӣ чорабинии бошукуҳ доир гардид. Маҳфили адабӣ, ки «Рӯдакӣ рафту монд ҳикмати уй» -унвон гирифт, омӯзгорони таълимгоҳ Гулзода Искандарова ифтитоҳ бахшида, ровии хушбаён Маҳлиё Обидова идома бахшид.

Баъдан хонандагон бо навбат баромад намуда, ҳаёт ва эҷодиёти устод Рӯдакиро ёдовар шуда, порчаҳо аз ашъори пурғановати ӯ қироат намуданд. Саҳначаҳои ҷолиб ва ҳунарнамоии толибилмон ба маҳфил шукуҳи хоса бахшид. Дар баргузории маҳфил омӯзгорон Гулзода Искандарова, Раҳимахон Раҳимова, Зулфияхон Мамадҷонова, Мавҷуда Юсуфова ва аксар хонандагон фаъолона ширкат варзиданд. Иштирокдорон бо кафкӯбиҳо истиқбол намуда, дар қисмати саволу ҷавоб аз эҷодиёти устоди Рӯдакӣ фаъолнокӣ зоҳир намуданд. Чорабинӣ бошукуҳу судманд анҷом ёфт.