Бо дастгирии мақомоти иҷроияи ҳокимияти давлатии шаҳр, иқдоми соҳибкори маҳаллӣ Аҳрорҷон Қосимов ва сокинони кӯчаи Мир роҳи кӯчаи мазкур мумфарш карда шуд. Солҳои зиёд роҳи ин кӯча таъмирталаб буд ва дар ҳолати нигаронкунанда қарор дошт. Роҳгардии мардум, махсусан, дар фаслҳои сармо, ҳангоми боридани борону барф ниҳоят душвор буд. Барои ҳаракати нақлиётҳо низ роҳ монеаҳо пеш меовард. Хушбахтона имсол ин мушкилот роҳи ҳалли худро ёфт.

Дар натиҷаи фаъолияти бомароми кормандони муассисаи давлатии нигаҳдории роҳҳои автомобилгарди шаҳр зиёда аз 200 м роҳи ин кӯча аввал аз таъмири хушсифат бароварда шуда, баъдан мумфарш карда шуд. Инчунин дар ин кӯча ҷӯйборҳои нави бетонӣ ба масофаи 100 м насб карда шуданд.

Аз роҳандозӣ гардидани иқдоми мазкур кӯча ба худ симои наву зебо гирифта, аҳли маҳалла шоду қаноатманданд. Кош сафи чунин соҳибкорон ва шахсони ободкор зиёд мегардиду диёрамон боз ҳам ободтар мешуд.