Санаи 20.09.2016 дар толори хурди МИҲД ҷаласаи якуми шӯрои занону духтарони муассисаҳои таълимии шаҳр баргузор гардид. Дар он раисони шӯрои занону духтарони муассисаҳои таълимӣ ва коллеҷҳо иштирок намуданд.

Маҷлисро сармутахассиси шӯъбаи кор бо занон ва оилаи МИҲД Неъматова А. оғоз намуда, таъкид кард, ки аз моҳи сентябр оғоз карда тибқи нақшаи тасдиқшуда дар ҳамаи муассисаҳои таълимӣ ва коллеҷҳо бо иштироки масъулини шӯъбаи кор бо занон ва оила баргузории машваратҳо ба нақша гирифта шудааст. Ба раисони шӯрои занону духтарон мавзӯи машваратҳо, ки  пешакӣ муайян карда шуда буданд, тавсеа дода шуд.

Сипас сухан ба мудири шӯъбаи кор бо занон ва оилаи МИҲД Хуршеда Холматова дода шуд. У дар бораи татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» ва Қонуни Ҷумҳурии Тоҷикистон «Дар бораи пешгирии зӯроварӣ дар оила» маълумот дод.  

Дар назди масъулин вазифаҳо мушаххас карда шуданд.