Санаи 20 сентябри соли ҷорӣ дар ҷамоати деҳоти А.Лоҳутӣ ҷиҳати пешгирии сабаб ва омилҳои пешгирии худкушӣ ва сӯиқасд ба ҷони худ аз ҷониби шӯъбаи кор бо занон ва оилаи мақомоти иҷроияи ҳокимияти давлатии шаҳри Конибодом бо иштироки фаъолони ҷамоати номбурда, фаъолзанҳо, омӯзгорон, табибон, ходимони маҳаллаҳо ва занони хонашин вохӯрӣ баргузор гардид. Дар он мудири шӯъбаи кор бо зан ва оилаи МИҲД Хуршеда Холматова иштирок намуда, оид ба татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» ва Қонуни Ҷумҳурии Тоҷикистон «Дар бораи пешгирии зӯроварӣ дар оила» маълумот дод. 

Дар баромади мудири шӯъбаи кор бо зан ва оила Х.Холматова қайд карда шуд, ки нақши занон оид ба татбиқи риояи қонуни мазкур басо калон аст.