Дар асоси нақшаи иловагии шӯъбаи кор бо занон ва оилаи мақомоти иҷроияи ҳокимияти давлатии шаҳр аз ҷониби масъулин «Оид ба пешгирии сабаб ва омилҳои зӯроварӣ, даст ба худкушӣ ва сӯйиқасд ба он задани шаҳрвандон», «Ҳуқуқ ва муносибатҳои оилавӣ» дар ҷамоати деҳоти Патар семинари омӯзишӣ гузаронида шуд. Дар семинар 40 нафар бонувони хонашин ва зери хушунати ҷисмонӣ, руҳӣ ва иҷтимоӣ қарордошта иштирок намуданд.

Мақсади асосии баргузор намудани семинари омӯзишӣ фаҳмонида додани мафҳум ва ғояҳои асосии Қонуни Ҷумҳурии Тоҷикистон «Дар бораи пешгирии зӯроварӣ дар оила» ва дар амал татбиқ намудани нақшаи амали барномаи давлатии «Пешгирии зӯроварӣ дар оила дар Ҷумҳурии Тоҷикистон барои солҳои 2014-2023» ба бонувони хонашини ҷамоатҳои деҳот ва кумитаҳои маҳаллӣ мебошад.

Иштирокчиён дар рафти семинар асосан оид ба бартараф намудани зӯроварӣ дар оила, ҳуқуқҳои оилавӣ, ҳуқуқ ба мерос, муносибатҳои оилавӣ, низоъҳои оилавӣ, хушунати оилавӣ, таъсири зӯроварӣ дар оила ва оқибатҳои он маълумотҳои мухтасар ва саҳеҳ дода шуд.

Ҳамчунин дар семинар Сардори филиали хуҷандии ташкилоти ҷамъиятии «Инис», ҳуқуқшинос Обидова Манижа иштирок намуд ва ба иштирокдорон маслиҳатҳои муфиди ҳуқуқӣ дод.