Дар арафаи таҷлили ҷашни 25-солагии Истиқлолияти давлатӣ аз ҷониби саховатпешагон аёдати шахсони камбизоат, табақаҳои эҳтиёҷманд ва яккаву танҳо ба роҳ монда шуд. Чунин амалҳои хайрро роҳбарияти Раёсати кишоварзии шаҳр анҷом доданд. Вакилони Маҷлиси шаҳрӣ Валиҷон Азимов ва Рауфҷон Бобоҷонов ба беморони маркази равоншиносии шаҳрамон маводи озуқа, аз қабили маҳсулоти гуногуни хӯрока ва меваҷот дастрас намуданд. Роҳбарият ва табобатгирандагони марказ аз ин ташаббуси  кишоварзони шаҳр шод гашта, миннатдорӣ баён намуданд.

Чунин амалҳои нек аз тарафи дигар ташкилоту муассисаҳо, вакилони халқ ва саховатмандон идома ёфта истодааст.