Санаи 9 август дар мақомоти иҷроияи ҳокимияти давлатии шаҳр таҳти раёсати Раиси шаҳр Ғайбулло Боҳирӣ Иҷлосияи VII (ғайринавбатии) Маҷлиси вакилони халқи шаҳр (даъвати панҷум) баргузор гардид. Он 2 масъаларо мавриди баррасӣ қарор дод.

Аз рӯи масъалаи якуми рӯзнома «Дар бораи пешниҳоди комиссияи шаҳрӣ оид ба масъалаҳои вобаста ба номгузории муассисаву ташкилотҳо, таълимгоҳҳо ва объектҳои физикию ҷуғрофӣ» мудири шӯъбаи рушди иҷтимоӣ ва робита бо ҷомеаи дастгоҳи раиси шаҳр Баҳодур Маҳмудов баромад намуд. Мавсуф зимни баромади худ оид ба иваз намудани номи деҳаи «Қарақчиқум» -и ҷамоати деҳоти Лоҳутӣ ба «Ҷаҳонзеб» сухан ронд. Тибқи пешниҳоди комиссияи шаҳрӣ оид ба тағйир додани номи деҳаи Қарақчиқум ба «Ҷаҳонзеб» қарор кабул карда шуд.

Баъдан Қарорҳои раиси шаҳр аз ҷониби вакилон тасдиқ гардид.