Яке аз масъалаҳои асосии ҳалталаб дар миқёси шаҳр ин таъминоти аҳолӣ бо оби нӯшокии хушсифат ба ҳисоб меравад.  Хушбахтона, бо дастгирии Ҳукумати ҷумҳурӣ соли равон ин масъала роҳи ҳалли худро ёфт.  Идораи обу ташноби шаҳр аз рӯи лоиҳаи «Барқароркунии системаҳои обтаъминкунӣ», ки онро Бонки Аврупо- «Таҷдид ва Рушд» маблағгузорӣ менамояд, амал карда, баҳри таъмин кардани аҳолии шаҳр кӯшиш ба харҷ дода истодааст. Обе, ки дар мавзеи Пойменная воқеъ аст, ба маркази шаҳр тавассути лӯлаҳои обгузар оварда мешавад. Имрӯзҳо бо мақсади амалӣ намудани ин лоиҳа дар кӯчаи марказии шаҳр ба номи Ленин васлкунии қубурҳои обгузар сурат гирифта, корҳо дар ин самт идома доранд. Корҳои васлкунӣ фурсатҳои наздик анҷом ёфта, минбаъд аҳолии шаҳрамон аз танқисии оби тозаи ошомиданӣ халосӣ меёбанд. Ба ибораи дигар масофаи оби хуштаъми «29» наздик мешавад.