Ба истиқболи ҷашни 25-умин солгарди Истиқлолияти давлатӣ дар ҳудуди шаҳр корҳои бунёдкориву ободонӣ суръати тоза гирифтааст. Инро дар ҳар гӯшаву канор метавон эҳсос кард.

Бинои сехҳои истеҳсолии ҶС «Тоҷ», ки рӯ ба рӯи варзишгоҳи «Ҷавонӣ» воқест, манзараи ҳузноваре дошт. Соҳибкор Акмалҷон Шокиров бо дастгирии мақомоти иҷроияи ҳокимияти давлатии шаҳр иқдоми шоистаеро пеш гирифта, дар муддати якуним сол дар заминаи он бинои истиқоматии чаҳорошёна бо тамоми шароитҳои зист бунёд кард, ки боз як гӯшаи шаҳрамон симои замонавӣ гирифт. Бино аз 76 ҳуҷра иборат буда, дар арафаи ҷашни Истиқлолият мавриди истифода қарор мегирад.