Имрӯз қабули муроҷиати шаҳрвандон аз ҷониби Раиси шаҳри Конибодом Даврон Зоҳидзода баргузор гардид.

Дар рафти қабул шаҳрвандон бо масъалаҳои гуногуни рӯзмарра ва иҷтимоӣ ба Раиси шаҳр муроҷиат намуданд. Аз ҷумла, масъалаҳои таъминот бо манзили истиқоматӣ, сохтмони пул, таъминот бо оби нӯшокӣ, ҷудо намудани қитъаи замини наздиҳавлигӣ, таъмири манзил ва дигар масъалаҳои иҷтимоӣ мавриди баррасӣ қарор гирифтанд.

Раиси шаҳр муроҷиатҳои шаҳрвандонро баррасӣ намуда, барои ҳалли масъалаҳои ба миёнгузошташуда ба масъулини соҳаҳо дастуру супоришҳои мушаххас дод.

Таъкид гардид, ки баррасии саривақтӣ ва ҳалли мушкилоти шаҳрвандон, баланд бардоштани сатҳи хизматрасонӣ ва таъмини ҳуқуқу манфиатҳои сокинон аз самтҳои муҳими фаъолияти мақомоти иҷроияи ҳокимияти давлатӣ ба ҳисоб меравад.