Ҷиҳати иҷрои нақшаи муштараки сохторҳои дахлдори шаҳри Конибодом аз рӯйи усули “деҳа ба деҳа ва маҳалла ба маҳалла” барои марҳилаи дуюм мулоқот дар деҳаи Пахтакори ҷамоати деҳоти Куҳандиёр баргузор гардид.

Дар мулоқот мудири шуъбаи рушди иҷтимоӣ ва робита бо ҷомеа Ҷабборӣ Б. ва муовини Раиси КИ ҲХДТ дар шаҳри Конибодом Ҳоҷиев Ф. иштирок ва баромад намуданд.

Зимни мулоқот масъалаҳои муҳими рӯз, аз ҷумла аҳамияти Истиқлоли давлатӣ, дастовардҳои солҳои соҳибистиқлолӣ, таҳкими ваҳдати миллӣ, корҳои ободониву созандагӣ ба истиқболи ҷашни 35-солагии Истиқлоли давлатӣ, қабули Қатъномаи Маҷмаи Умумии Созмони Милали Муттаҳид оид ба «Даҳсолаи таҳкими сулҳ ба хотири наслҳои оянда (2027–2036), пешгирии экстремизм ва терроризм, баланд бардоштани масъулияти ҷавонон, истифодаи дурусти шабакаҳои иҷтимоӣ, риояи қонунҳо ва тарбияи ватандӯстии насли наврас мавриди баррасӣ қарор гирифтанд.

Дар анҷоми мулоқот сокинон омодагии худро барои иштироки фаъолона дар корҳои созандагӣ ва сазовор истиқбол гирифтани ҷашни 35-солагии Истиқлоли давлатии Ҷумҳурии Тоҷикистон изҳор намуданд.