Идомаи мулоқотҳо

Мулоқоти навбатии муштараки сохторҳои дахлдори шаҳри Конибодом аз руйи усули “деҳа ба деҳа ва маҳалла ба маҳалла” дар маҳаллаи Ҳавзи баланд баргузор гардид.

Дар мулоқот мудири шуъбаи ташкилии КИ ҲХДТ дар шаҳри Конибодом Ализода А. мудири бахши муҳоҷирати Вазорати меҳнат, муҳоҷират ва шуғли аҳолӣ дар шаҳри Конибодом Толибова Ф., котиби комиссияи ҳифзи ҳуқуқи кудак Солиева М. ва мутахассиси пешбари бахши кор бо ҷавонон ва варзиш Рӯзиев Ф. иштирок ва баромад намуданд.

Баромадкунандагон дар баромади хеш доир ба масъалаҳои сазовор истиқбол намудани ҷашни таърихии 35 - солагии Истиқлоли давлатӣ, вусъати корҳои ободонӣ, пешгирии шомилшавии ҷавонон ба ҳизбу ҳаракатҳои террористӣ, пешгирии ҳуқуқвайронкуни байни ҷавонон ва ноболиғон, татбиқи сиёсати ҷавонон, даъвати ҷавонон ба хизмати ҳарбӣ, тартиби буду бош дар давлатҳои хориҷа ва имкониятҳои васеи кор дар дигар давлатҳо қайд намуданд.

Инчунин, дар охир сокинони маҳаллаи мазкур низ миннатдории хешро ба давлату ҳукумати кишвар барои дастгириҳои доимӣ расониданд.