Имрӯз, 1 июн, дар партави сиёсати инсонпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо ташаббуси Раиси шаҳри Конибодом муҳтарам Даврон Зоҳидзода, дар арафаи Рӯзи байналмилалии ҳифзи кӯдакон аз ҷониби гурӯҳи кории мақомоти иҷроияи ҳокимияти давлатии шаҳр як қатор кӯдакони ниёзманд аёдат карда шуданд.

Зимни аёдат ба кӯдакон кумакҳои моддӣ расонида шуда, ҳамчунин табрикоти Раиси шаҳр ба муносибати ин рӯзи фархунда ба онҳо ва наздиконашон расонида шуд. Таъкид гардид, ки дастгирии кӯдакон, бахусус қишри ниёзманди ҷомеа, ҳамеша дар меҳвари сиёсати иҷтимоии давлату Ҳукумати Ҷумҳурии Тоҷикистон қарор дошта, барои таъмини шароити арзандаи зиндагӣ ва рушди онҳо тадбирҳои пайваста амалӣ мегарданд.

Волидайн ва наздикони кӯдакон барои ғамхорӣ, таваҷҷуҳ ва дастгириҳои доимии давлату Ҳукумат изҳори сипосу миннатдорӣ намуда, чунин иқдомҳоро нишонаи сиёсати башардӯстона ва иҷтимоии роҳбарияти кишвар арзёбӣ карданд.