Бахшида ба Рӯзи Модар дар шуъбаи маорифи шаҳр ҳамоиши идона баргузор гардид.

Дар ин ҳамоиш муовини Раиси шаҳр Гулчеҳра Раҳмонзода иштирок намуда, паёми табрикии Раиси шаҳри Конибодом Даврон Зоҳидзодаро ба муносибати ин ҷашни фархунда ба самъи ҳозирин расонид.

Зимни суханронӣ таъкид гардид, ки зан-модар ҳамчун чароғи хонадон, тарбиятгари насли ояндасоз ва нерӯи пешбарандаи ҷомеа дар рушди соҳаи маориф нақши муҳим дорад. Ҳамчунин саҳми арзандаи бонувони соҳаи маориф дар тарбияи насли наврас ва пешрафти ҷомеа махсус зикр гардид.

Дар чорабинӣ инчунин, мудири шуъбаи маорифи шаҳр Фируза Абдувоҳидзода суханронӣ намуда, бонувони соҳаро ба муносибати Рӯзи Модар табрик гуфта, барои заҳмати содиқонаашон дар роҳи таълиму тарбияи насли наврас изҳори сипос намуд.

Дар фарҷоми чорабинӣ ба як қатор бонувони фаъоли шуъбаи маорифи шаҳр туҳфаҳои идона тақдим гардида, ба онҳо таманниёти саломатӣ, хушбахтӣ ва комёбиҳои навин орзу карда шуд.