Бахшида ба ҷашни пуршукуҳи Рӯзи Модар дар Беморхонаи марказии шаҳр чорабинии тантанавӣ баргузор гардид.

Дар чорабинӣ муовини Раиси шаҳри Конибодом Гулчеҳра Раҳмонзода иштирок намуда, паёми шодбошии Раиси шаҳр Даврон Зоҳидзодаро ба муносибати Рӯзи Модар ба самъи ҳозирин расонид. Дар паём саҳми арзишманди занону бонувон дар солимии ҷомеа ва рушди давлату миллат таъкид гардида, ба бонувони соҳаи тандурустӣ барои заҳмати содиқонаашон арзи сипос баён карда шуд.

Ҳамчунин, сардухтури Беморхонаи марказии шаҳр Ҷамшед Комилов зимни суханронии худ бонувони муассисаро ба муносибати ин рӯзи фархунда самимона табрик намуда, ба онҳо барору комёбӣ дар фаъолияти пуршараф орзу кард.

Дар фарҷоми чорабинӣ ба бонувон туҳфаҳои идона тақдим гардида, фазои идона ва руҳияи болида ба чорабинӣ ҳусни тоза бахшид.