Мулоқотҳо идома доранд.

Имрӯз, санаи 6 уми марти соли равон ҷиҳати иҷрои нақшаи муштараки сохторҳои дахлдори шаҳри Конибодом аз руйи усули “деҳа ба деҳа ва маҳалла ба маҳалла” дар деҳаи Арабои болои ҷамоати деҳоти Пӯлотон баргузор гардид.

Дар мулоқот гуруҳи корӣ дар ҳайъати муовини якуми Раиси шаҳр Шокирӣ Ш., мудири шуъбаи рушди иҷтимоӣ ва робита бо ҷомеа Ҷабборӣ Б., мудири шуъбаи ташкилии КИ ҲХДТ дар шаҳри Конибодом Ализода А. ва мудири бахши Хадамоти муҳоҷирати Вазорати меҳнат, муҳоҷират ва шуғли аҳолӣ дар шаҳри Конибодом Толибова Ф. иштирок ва баромад намуданд.

Сараввал, муовини якуми Раиси шаҳр Шокирӣ Ш. баромад намуда, иштирокдоронро бо нақшаи муштараки сохторҳои дахлдори шаҳри Конибодом шинос намуд.

Сипас, баромадкунандагони дигар, дар масъалаҳои сазовор истиқбол намудани ҷашни таърихии 35 - солагии Истиқлоли давлатӣ, вусъат додани корҳои ободониву созандагӣ, тозаву озода намудани деҳаву маҳалл, тарбияи ҷавонон дар руҳияи ватандӯстию ватанпарварӣ, баланд бардоштани маърифати ҳуқуқии шаҳрвандон, пешгирии ҷудошавии оилаҳои ҷавон, самаранок истифода намудани ҳар як ваҷаб замини кишт баромадҳо намуданд.

Инчунин, сокинони деҳаи мазкур низ, миннатдории хешро ба давлату ҳукумати кишвар барои дастгириҳои ҳамаҷониба расониданд.