Ҷиҳати иҷрои нақшаи чорабиниҳои Шӯрои вилоятии Ҳаракати ваҳдати миллӣ ва эҳёи Тоҷикистон дар вилояти Суғд ва дастуру супоришҳои Раиси вилояти Суғд муҳтарам Раҷаб Аҳмадзода, дар литсейи касбии саноати дӯзандагии шаҳр маҳфили идона бахшида ба Рӯзи Модар баргузор гардид.

Дар чорабинӣ мудири шуъбаи кор бо занон ва оила Орифӣ М., раиси Кумитаи иҷроияи ҲХДТ дар шаҳр Шерматова Ф., муовини озоди Раиси Шӯрои шаҳрии Ҳаракати ваҳдати миллӣ ва эҳёи Тоҷикистон Ашурматзода З. ва сарвари литсей Ортиқов Ш. иштирок намуда, оид ба мақому манзалати зан — модар, нақши ӯ дар таҳкими оила ва тарбияи насли солим суханронӣ намуданд.

Ҳамзамон, донишҷӯён дар васфи модар шеърҳо қироат карда, бо барномаи фарҳангӣ хотири ҳозиринро шод гардониданд. Маҳфил дар фазои гарму самимӣ баргузор гардида, эҳтирому арҷгузорӣ нисбат ба модаронро бори дигар таҷассум намуд.