Тибқи дастуру супориши Раиси шаҳри Конибодом, бо мақсади паст намудани сатҳи бекорӣ аз ҷониби Шуъбаи Агентии меҳнат ва шуғли аҳолӣ дар ҷамоати деҳоти Пулотон, назди бозори «Панҷшанбе» ярмаркаи ҷойҳои кори холӣ баргузор гардид.

Дар чорабинии мазкур кормандони шуъбаи агентӣ ва намояндагони филиали Муассисаи давлатии «Маркази рушди ҳунармандӣ ва малакаи касбии муосир» иштирок намуда, ба корҷӯяндагон 180 ҷойи кори холӣ пешниҳод намуданд.

Ҳамзамон, ба ҷавонони бекор ҷиҳати иштирок дар курсҳои кӯтоҳмуддат аз рӯи 11 намуди ихтисос даъват ба амал оварда шуда, 20 нафар шаҳрвандони бекор ба курсҳои мазкур ҷалб гардиданд.

Шуъбаи Агентии меҳнат ва шуғли аҳолии шаҳр минбаъд низ ҷиҳати паст намудани сатҳи бекорӣ дар шаҳр ва ҷамоатҳои деҳот баргузории ярмаркаҳои ҷойҳои кори холӣ ва корҳои тарғиботиву ташвиқотиро идома медиҳад.