Мулоқоти навбатии усули “деҳа ба деҳа” дар деҳаи Бекободи ҷамоати деҳоти ба номи Р. Ҳамробоев баргузор гардид. Дар мулоқот гуруҳи корӣ дар ҳайъати мудири шуъбаи рушди иҷтимоӣ ва робита бо ҷомеа Ҷабборӣ Б., мудири бахши Хадамоти муҳоҷирати Вазорати меҳнат Толибова Ф., мудири шуъбаи ташкилии КИ ҲХДТ дар шаҳри Конибодом Ализода А. ва муовини Раиси ҷамоати деҳоти ба номи Р. Ҳамробоев Ҳайдарова М. иштирок ва суханронӣ намуданд. Сараввал, баромадкунандагон мазмуну муҳтавои Паёми Пешвои миллат ба Маҷлиси Олии кишварро расониданд. Сипас, доир ба мавзуъҳои сазовор истиқбол намудани ҷашни 35 - солагии Истиқлоли давлатӣ ва масъалаҳои муҳиму мубрами рӯз, аз ҷумла пешгирии шомилшавии ҷавонон ба ҳизбу ҳаракатҳои тундрав, тарбияи насли наврас дар руҳияи ватандӯстию ватанпарварӣ, баланд бардоштани ҳисси худшиносию худогоҳии миллӣ, даъвати ҷавонон ба хизмати ҳарбӣ, пешгирии ҷудошавии оилаҳои ҷавон, самаранок ва оқилона истифода бурдани неруи барқ ва ҳар як ваҷаб замини кишт, татбиқи сиёсати иқтисоди рақамӣ баромадҳо намуданд. Дар охир сокинони деҳаи мазкур низ, миннатдории хешро ба Давлату Ҳукумат, Пешвои миллат муҳтарам Эмомалӣ Раҳмон барои дастгириҳои ҳамаҷониба расониданд.