Тибқи нақшаи муштараки шуъбаи маорифи шаҳр дар ҳамкорӣ бо комиссариати ҳарбии шаҳр дар муассисаҳои таълимии шаҳр озмуни ҳарбӣ-варзишии Ватанпарвар гузаронида шуд.

Мусобика дар се марҳила доир гардида, аз санаи 2 то 14 январ даври муассисавӣ, аз 15 то 28 январ даври минтақавӣ баргузор шуд. Мусобикаи ниҳоӣ санаи 30 январ дар МТМУ 1 баргузор гардид, ки дар он ғолибони минтақахо - муассисаҳои таълимии #4, 10, 11, 16, 20, 24, 36 ва 41 иштирок намуданд.

Озмун бо чунин натиҷа анҷом ёфт: ҷойи аввал МТМУ 16, ҷойи дуввум МТМУ 10 ва ҷойи сеюм МТМУ 11. Дастаи МТМУ 16 барои иштирок дар мусобикаи минтақавии вилояти Сугд роҳхат гирифт, ки он санаи 11 феврал дар ноҳияи Ҷаббор Расулов баргузор мегардад.

Дар ҷамъбасти озмун комиссари ҳарбии шаҳр полковник Б.Муҳиддинзод ва сармутахассиси шуъбаи маориф Толибова М. иштирок намуда, ғолибонро бо Сипоснома, Ифтихорнома ва Дипломҳои дараҷавӣ сарфароз намуданд.

"Ҷоми комиссари ҳарбии шаҳр" ба дастаи МТМУ 16 супорида шуд.