Дар доираи вохуриҳо бо усули "мактаб ба мактаб " дар литсейи рақами 1 ба номи Мансурхон Бобохонов мулоқоти намояндагони мақомоти маҳаллӣ бо падару модарон ва ҷомеаи омузгорону хонандагон баргузор гардид. Мулоқоти навбатӣ бори дигар собит намуд, ки масъалаҳои вобаста ба кори таълиму тарбия бояд дар ҳамбастагии аҳли ҷомеа ҳаллу фасл карда шаванд.

Баромадкунандагон дар партави Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон доир ба масъалаҳои муҳими рӯз- тарбияи ноболиғон дар руҳияи худшиносиву худогоҳӣ, бедории сиёсӣ ва ҳимоя намудани манфиатҳои миллат дар арсаи ҷаҳонӣ, баланд бардоштани сифати таълим, андешаҳои худро иброз доштанд. Имрӯз танҳо ҷавонони соҳибилму соҳибфарҳанг поягузорони фардои пешрафта шуда метавонанд. Зеро дар ҷаҳони муосир бе донишу маърифат гумроҳу саргум шудани ҷавонон бисёр рух медиҳад. Ҷавононро бояд бо ҷисму руҳи солим ба оянда омода намоем. Ҳамоишҳои "мактаб ба мактаб " низ ҳамин ақидаро ифодагарӣ мекунанд.