Дар асоси нақшаи тасдиқгардидаи мақомоти иҷроияи ҳокимияти давлатии шаҳри Конибодом ва бо мақсади баланд бардоштани сатҳи огоҳии хонандагон оид ба ҳифзи саломатӣ ва пешгирии паҳншавии бемории ҳорӣ дар ҳамаи муассисаҳои таҳсилоти миёнаи умумии шаҳр баромадҳои пеш аз дарсӣ баргузор гардиданд.

Муовинони директор оид ба корҳои тарбиявӣ бо ҷалби мутахассисони соҳаи тиб ва табибони муассисаҳои таълимиву тиббӣ дар суҳбатҳои худ хусусиятҳои ин бемории сироятӣ, роҳҳои паҳншавӣ ва усулҳои пешгирии онро шарҳ доданд.

Ин иқдом дар заминаи тақвияти корҳои фаҳмондадиҳӣ ва ташаккули фарҳанги беҳдоштӣ миёни наврасон амалӣ гардида, қисми муҳими тарбияи шахсияти солим ва масъулиятшиносро ташкил медиҳад.

Ташкил намудани чунин баромадҳо воситаи муассир дар ҷилавгирии саривақтии бемориҳо буда, ҳамзамон нишонаи таваҷҷуҳи ҷиддии соҳаи маориф ва тандурустӣ ба саломатии насли наврас маҳсуб меёбанд. Чорабиниҳо минбаъд низ пайваста идома хоҳанд ёфт.