Имрӯз ҷиҳати дар амал татбиқ намудани нақша - чорабиниҳои мақомоти иҷроияи ҳокимияти давлатии шаҳри Конибодом мулоқоти навбатии гуруҳи корӣ бо сокинони маҳаллаи “Маданият” баргузор гардид.

Дар мулоқот мудири бахши байгонӣ Маҳмудов Б, муовини раиси КИ ҲХДТ дар шаҳри Конибодом Ҳоҷиев Ф, мутахассиси пешбари бахши кор бо ҷавонон ва варзиши шаҳри Конибодом Рӯзиев Ф, мутахсассиси пешбари шуъбаи рушди иҷтимоӣ ва робита бо ҷомеаи дастгоҳи Раиси шаҳри Конибодом Тоҷибоев Б иштирок ва суханронӣ намуданд.

Дар мулоқот оид ба масъалаҳои мубрами рӯз аз ҷумла, шомилшавии ҷавонон ба ҳизбу ҳаракатҳои тундрав, аз даст надодани зиракии сиёсӣ, даъвати ҷавонписарон ба хизмати ҳарбӣ, танзими ҷашну маросим, истифодаи дурусти телефонҳои мобилӣ ва баланд бардоштани ҳисси ватандӯстиву худшиносии миллӣ изҳори ақида намуданд.