Ташриф ва мулоқоти гуруҳи кории мақомоти маҳаллӣ дар доираи вохӯриҳо бо усули "мактаб ба мактаб" ба муассисаи таҳсилоти миёнаи умумии рақами 51 воқеъ дар деҳаи Бекободи ҷамоати деҳоти Ҳамробоев барои тарҳрезии нақшаи ҳамкориҳо дар масоили марбут ба кори таълиму тарбия омили саривақтӣ ва ҳидояткунанда гардид. Аҳли деҳа бо руҳбаландӣ аз дастурҳои Пешвои муаззами миллат муҳтарам Эмомалӣ Раҳмон баъди баромадҳои аъзоёни гуруҳи корӣ ибрози андеша карда, пешниҳодҳои худро баён доштанд. Коре, ки дар сарҷамъӣ оғоз мешавад, анҷоми некӯ дар пай дорад. Ба рағми нобасомониҳои дунёи муосир насли ҷавонро бояд ҳушёру зирак, соҳибилму хушахлоқ тарбия намоем - чунин буд хулосаи мулоқот.