Тибқи нақшаи тасдиқкардашудаи мақомоти иҷроияи ҳокимияти давлатии шаҳр мулоқоти навбатӣ дар доираи вохуриҳо бо усули "мактаб ба мактаб " дар муассисаи таҳсилоти миёнаи умумии рақами 46 баргузор гардид. Дар мулоқот намояндагони мақомоти маҳаллӣ иштирок ва дар назди падару модарон ва ҷомеаи омузгорону хонандагон баромад намуданд. Мавзуи мулоқоти навбатӣ ба тарбияи насли ватандӯсту меҳанпараст, ободонию созандагӣ ба хотири фардои Ватан, ҳамкорӣ дар самти баланд бардоштани сифати таълим, диққат додан ба иштироки хонандагон дар олимпиадаҳои фаннӣ бахшида шуда, мубодилаи афкор хеле судманд сурат гирифт. Дар деҳаи мазкур муассисаи таҳсилоти миёнаи умумии рақами 46 ва муассисаи таълимии томактабии рақами 13 ҷойгир буда, ҳамкории падару модарон бо ин муассисаҳо хеле зич аст. Дарки зарур будани ҳамкорӣ бо ҷомеаи омузгорон дар роҳи тарбияи насли сазовори фардои Ватан мардуми деҳаро аҳлу сарҷамъ намудааст.