Даъвати ҷавонписарон ба сафи Қувваҳои Мусаллаҳи кишвар,пешгирии шомилшавии ҷавонон ба ҳар гуна ҳизбу ҳаракатҳои ифротгаро, саҳми сокинон дар маъракаи ҷамъоварии пахта аз мавзӯъҳои муҳими мулоқот буданд, ки деҳаи Ҳисораки Ҷамоати деҳоти Фирузоба бо сокинон баргузор гардид. Дар он мудири шуъбаи рушди иҷтимоӣ ва робита бо ҷомеаи мақомоти иҷроияи ҳокимияти давлатии шаҳр Маҳмудов Баҳодур, муовини раиси КИ ҲХДТ дар шаҳри Конибодом Ҳоҷиев Фирӯз, ва мудири шуъбаи ташкили ва кор бо кадрҳои КИ ҲХДТ Ализода Акмал иштирок намуданд.

Зимни мулоқот масъалаҳои муҳими рӯз мавриди баррасӣ қарор гирифта, иштирокчиён зарурати баланд бардоштани масъулиятшиносии ҷавонон ва саҳмгузории фаъол дар корҳои ҷамъиятиро таъкид карданд.