Мулоқот бо усули "Деҳа ба деҳа" ва "Маҳалла ба маҳалла" идома дорад

Рӯзи 26 август дар деҳаи Файзобори Ҷамоати деҳоти ба номи Раҷаб Ҳамробоев мулоқот бо сокинон доир гардид.

Дар вохӯрӣ гурӯҳи таблиғотӣ аз ҳисоби кормандони сохторҳои дахлдори мақомоти иҷроияи ҳокимияти давлатии шаҳр иштирок ва суханронӣ намуданд.

Зимни мулоқот масъалаҳои муҳими рӯз, аз ҷумла ворид гардидани тағирот ба Кодекси ҷиноятӣ ва ҳуқуқвайронкунии маъмурии Ҷумҳурии Тоҷикистон оид ба истифодаи нерӯи барқ, таълиму тарбияи насли наврасу ҷавон, баланд бардоштани ҷаҳонбинии ахлоқиву фарҳангӣ, ободонии маҳал, истифодаи дурусти телефонҳои мобилӣ, худдорӣ аз шабакаҳои иҷтимоии мамнӯъ, ва даъвати ҷавонон ба хизмати ҳарбӣ мавриди баррасӣ қарор гирифтанд.

Дар охир аз ҷониби сокинон оид ба масъалаҳои матраҳшуда саволу ҷавобҳо сурат гирифта, иштирокдорон ба саволҳои худ ҷавобҳои мушаххас гирифтанд.