Имрӯз дар мақомоти иҷроияи ҳокимияти давлатии шаҳр иҷлосияи 1-ум, даъвати 5-уми маҷлиси вакилони халқи шаҳр баргузор гардид.

Ба муҳокимаи рӯзномаи иҷлосия 6 масъалаҳо, тасдиқи қарорҳо гузошта шуд. Дар оғоз фармони Президенти Ҷумҳурии Тоҷикистон Эмомалӣ Раҳмон дар бораи таъин намудани Боҳирӣ Ғайбулло Нозир ба вазифаи Раиси шаҳри Конибодом ба самъи ҳозирин расонида шуда, бо овоздиҳии вакилон тасдиқ гардид.

Ҳамчунин дар иҷлосия Раиси комиссияи интихобот Рустамҷон Мақсудов оид ба натиҷаҳои интихоботи сипаригардида иттилоъ дода, ҳамаи 40 нафар вакилони тозаинтихоби маҷлиси шаҳриро ба ҳозирин муаррифӣ намуд. Дар иҷлосия ваколати вакилии ҳар яки онҳо тасдиқ карда шуд.