Тибқи лоиҳа аз ҷониби намояндагии  дафтари Шветсария дар Тоҷикистон ба театри давлатии драмаӣ-мусиқии ба номи Т.Фозиловаи  шаҳр таҷҳизоту техникаи замонавии равшанидиҳанда ва тақвияти овоз, баландгӯякҳои беҳтарини муосир оварда шуд.  Таҷҳизоти мазкур ба саҳнаи театр насб гардида, бо истифодаи онҳо намоишномаи «Модар, ман зан мегирам» пешкаши ҳозирин гардонида шуд, ки дар тамошои ин намоишнома и.в.Раиси шаҳр Ғайбулло Боҳирӣ, намояндагони дафтари Шветсария иштирок намуданд.

Намоишнома ба мавзӯи оилаву оиладорӣ, оқибатҳои никоҳи барвақтӣ, пешгирии вайроншавии оилаҳо бахшида шуда, писанди ҳамагон гардид.