Дар Қасри фарҳанг маросими қадршиносии пешқадамони арсаи меҳнат ва фаъолони соҳаҳои гуногун ба муносибати 33 солагии Рӯзи Истиқлолияти давлатии Ҷумуҳурии Тоҷикистон баргузор гардид.

Зимни муборакбодии идонаи Раиси шаҳри Конибодом Абдусалом Тӯхтасунзода арзишмандию аҳамияти бузургу тақдирсози эъломия оид ба Истиқлолияти давлатӣ саҳму нақши сулҳоварӣ, мақому манзалати ваҳдатофарӣ ва хизматҳои бебаҳои Асосгузори сулҳу Ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон ва дастовардҳои замони соҳибдавлатии кишвари соҳибистиқлоли мо возеҳу равшан баён гардиданд.

Баъдан дар вазъияти тантанавӣ ба ашхоси барӯманд аз ҷумлаи табибон, омӯзгорону ҳунармандон, кишоварзону фаъолзанон ва намояндагони дигар соҳаҳои хоҷагии халқ мукофотҳои давлатӣ, Ифтихорномаҳои Мақомоти иҷроияи ҳокимияти давлатии вилояти Суғд ва шаҳри Конибодом тақдим карда шуданд.

Раиси шаҳри Конибодом бо баробарии муборакбодии мукофотонидашудагон зикр дошт, ки сокинони шаҳри Конибодом ҷашни пуршукӯҳи Истиқлолияти давлатиро бо дастовардҳои шоён ва нусратовар истиқбол мегиранд ва ин шаҳодати равшани он аст, ки мо дар ватани биҳиштосои худ бо меҳнати софдилонаву содиқона ва кору фаъолияти созандаву ободгарона шуғл варзида истодаем