Имрӯз дар Қасри миллат Президенти Ҷумҳурии Тоҷикистон, Пешвои миллат, Сарфармондеҳи Олии Қувваҳои мусаллаҳи Ҷумҳурии Тоҷикистон муҳтарам Эмомалӣ Раҳмон ба ифтихори таҷлили 33-юмин солгарди Истиқлоли давлатии Ҷумҳурии Тоҷикистон барои хизмати намунавӣ ва саҳми арзанда дар ҳифзи ҳуқуқҳои конститутсионии шаҳрвандон, мубориза бо ҷинояткорӣ, нигоҳдории тартиботи ҷамъиятӣ ва ҷасорату фидокорӣ собиқ сардори ШВКД дар шаҳри Конибодом ҳоло сардори Раёсати Вазорати корҳои дохилии Ҷумҳурии Тоҷикистон дар вилояти Суғд Пирзода Маҳмадсафар Қузратуллоро бо мукофоти давлатӣ медали Хизмати шоиста ва рутбаи навбатии генерал- майори милитсия сарфароз гардониданд. Аз номи Мақомоти иҷроияи ҳокимияти давлатии шаҳри Конибодом табрику таҳният гуфта барояшон пеш аз ҳама сиҳатмандии комил, саодатмандӣ таманно дошта ва дар адои хизмати пуршарафу пурмасъулияташон, ки ба манфиати давлат ва халқи Тоҷикистони азиз нигаронида шудааст, азму иродаи қавӣ ва барору комёбиҳо орзу менамоем.