Ба муносибати Иди касбии мақомоти милитсия бо иштироки собиқадорон ва ҳайати шахсии ШВКД Ҷумҳурии Тоҷикистон дар шаҳри Конибодом чорабинии идона доир гардид. Кормандони милитсияи шаҳрро Раиси шаҳри Конибодом Абдусалом Тӯхтасунзода табрику шодбош намуда, қайд кард, ки мақомоти милитсия яке аз сохтори пурқудрати давлат аст, ки дар ошкор ва пешгирии тамоми қонунвайронкуниҳр, таъмини тартиботи ҷомеа ва осоиштагии сокинон саҳми бориз дорад. Пас аз суханрониҳои самимона аз ҷониби Раиси шаҳр аз номи мақомоти иҷроияи ҳокимияти шаҳр ба ҳайати шахсии ШВКД-ии шаҳр 1-адад воситаи нақлиёти хизматӣ тақдим намуд.

Дар чорабинӣ собиқадори соҳаи милитсия, собиқ сардори ШВКД-ии шаҳри Конибодом, полковники милитсия Акрамхӯҷа Сафоев иштирок ва суханронӣ намуда, ба ҳамкасбон дар иҷрои масъулияти бошарафашон садоқату сарбаландӣ таманно намуд.

Барномаи рангини консертӣ дар ин рӯзи идона аз ҷониби аҳли ҳунар пешкаш карда шуд.

Ҳамчунин дар худи толори ШВКД Ҷумҳурии Тоҷикистон дар шаҳри Конибодом низ бахшида ба иди касбӣ ҷамъомади ботантана доир гардида, Сардори ШВКД, полковники милитсия Сайфзода С.М. ҳайати шахсиро бо иди касбӣ шодбош гуфт. Дар ҷамъомад ба якчанд нафар кормандони милитсия, ки дар ифои вазифаи хизматӣ ба дастовардҳои шоиста ноил гардидаанд, медалҳои ҷашнӣ ва ифтихорномаҳо супорида шуд.