Дар мақомоти иҷроияи ҳокимияти давлатии шаҳри Конибодом нишасти матбуотии Раиси шаҳри Конибодом Абдусалом Тӯхтасунзода бо кормандони воситаҳои ахбори оммма, рӯзноманигорону аҳли қалам ва эчодкорон баргузор гардид. Дар нишасти матбуотӣ намояндагони расонаҳои ахбор аз рузномаи "Ҷумҳурият", "Садои мардум", "Фараж", "Азия плюс", "Народная газета", нашрияҳои вилоятии "Нилуфар", "Кайҳон", "Ҳақиқати Суғд", "Народная газета", радиову телевизион ва рузномаи маҳаллии шаҳрамон иштирок доштанд.

Рузноманигорон асосан оид ба таъминоти оби полезиву нӯшокӣ, фаъолияти корхонаҳои саноатӣ, муносибати байни тоҷикон ва сокинони қирғизтабори деҳаи Санҷидзор, омодагиҳо ба соли нави таҳсил, таъмиру таҷдиди муассисаҳои таълимӣ, ободонии шаҳр, дастовардҳои варзишгар-бонувони шаҳр ва ғайраҳо саволу пурсишҳо намуда, аз Раиси шаҳр посухҳо гирифтанд.

Дар нишасти матбуотӣ намояндаи мақомоти иҷроияи ҳокимияти давлатии вилояти Суғд, сардори раёсати маорифи вилоят М. Набизода иштирок дошт.