Бахшида бо Соли 2015 – Соли гулҳо бо иқдоми шаҳрдорӣ дар шаҳрамон корҳои ободониву кабудизоркунӣ вусъати тоза дошта, дар як қисмати боғи истироҳатии шаҳр, қафои чойхонаи «Дилписанд» хиёбони фароғатӣ бунёд карда мешавад. Майдони он қариб 1 га-ро ташкил дода, имрӯз дар ин мавзеъ бо иштироки и.в.Раиси шаҳр Ғ.Боҳирӣ, роҳбарони ташкилоту муассисаҳои гуногун, пирони рӯзгордида ва фаъолони шаҳр, ҳашари умумии ниҳолшинонӣ гузаронида шуд.

Зимни ин корҳои ободонӣ дар майдон зиёда аз 800-бех ниҳолҳои ороишиву сояафкан шинонида шуд.

Чунин корҳои ободонӣ, таъмиру таҷдид, кабудизоркуниву ниҳолшинонӣ давоми як моҳ дар ҳудуди шаҳр ва ҷамоатҳои деҳот давом карда, шаҳри бостониамон ба пешвози айёми баҳор ва идҳои баҳорӣ боз ҳам ободу сарсабз мегардад.