Аз рӯи намуди гӯштини тарзи озод чанде пеш дар шаҳри Хуҷанд Чемпионати вилоят байни калонсолон гузашт. Шарафи варзишии шаҳри моро 7 нафар паҳлавонони мактаби варзишии наврасону бачагони шаҳр бо сарварии мураббии шинохта, устоди дараҷаи байналмилалӣ Валиҷон Шарифов ҳифз карданд. Байни шогирдон бародарон Дилшод ва Олимҷон Назировҳо дар вазни 57 кг ҳамаи ҳарифонро мағлуб карда, ҳарду ба муборизаи ниҳоӣ баромаданд. Дар ин муборизаи шавқовар Дилшод ғолибият ба даст оварда, сазовори унвони Чемпиони вилоят гардид. Ду нафар паҳлавонони дигари шаҳрамон Шуҳрат Бозоров ва Рустам Ҳаитов ҷои сеюмро сазовор гаштанд. Воқеан, бародарон Дилшод ва Олимҷон аз рӯи ҷамъбаст медалҳои тилло ва нуқраро бо ҳам диданд.

Ҳамчунин, дар деҳаи Ғулакандози ноҳияи Ҷаббор Расулов мусобиқаи вилоятӣ оид ба самбо доир гашт. Ин мусобиқаи бонуфуз ба хотираи ду карат Қаҳрамони Меҳнат, шодравон Абдуғафур Самадов бахшида шуда буд. Паҳлавонони шаҳрамон – дастпарварони мактаби варзишии наврасону бачагон бо сарварии мураббӣ Фирдавс Турсунов маҳорати баланди варзишӣ нишон дода, сазовори ду медали нуқра ва се медали биринҷӣ гаштанд.