Бо мақсади саривақт ва бо сифати баланд аз таъмир баровардани тракторҳо, тухмипошакҳо ва дигар намуди техникаҳои кишоварзӣ, омода намудани онҳо ба мавсими кишти баҳорӣ аз ҷониби мутахассисони сарраёсати кишоварзии вилояти Суғд дар якҷоягӣ бо Раёсати кишоварзии шаҳр дар хоҷагиҳои кишоварзии шаҳрамон боздиди санҷишӣ гузаронида шуд.

Азназаргузаронӣ нишон дод, ки аз 46 тухмипошакҳои дар мувозинаи хоҷагиҳои кишоварзии шаҳр мавҷудбуда 36-адади онҳо ба кишти баҳорӣ омодаанд.

Техникаҳои хоҷагиҳои ҳудуди ҷамоати деҳоти Лоҳутӣ ва Патар бинобар мавҷуд будани камбудиҳо такроран санҷида хоҳанд шуд. Умуман, то 10-марти соли ҷорӣ тамоми техника ва тухмипошакҳои хоҷагиҳои кишоварзии шаҳр ба мавсими кишти баҳорӣ омода карда мешаванд.