Дар  Раёсати  маорифи  шаҳр  бахшида ба Рӯзи  матбуоти тоҷик  озмуни рӯзномаҳои деворӣ  байни  муассисаҳои таҳсилоти миёнаи умумии шаҳр баргузор гардид.  Дар он 39 мактаб иштирок намуда, рӯзномаҳои девории худро пешниҳод намуданд.  Маводҳои ҷолибу хонданбоб, суратҳои гуногуни диққатҷалбкунанда, мақолаҳое, ки ҳамаи самтҳои матбуоти тоҷик ва таърихи онро  фарогир буданд, дар рӯзномаҳо пешниҳод гардиданд, ки аз ҷониби ҳайати ҳакамон баҳогузорӣ карда шуданд. Қайд гардид, ки нисбат ба солҳои пешин масъулият бештар эҳсос гардида, тайёрии масъулон хубтар ба назар расид.  Аз ҷониби ҳакамон таклиф  карда шуд, ки маводҳои беҳтарин барои чоп ба  рӯзномаҳои шаҳриву вилоятӣ  пешниҳод карда шавад.

Рӯзномаҳои девории мактабҳои рақамҳои 1, 2, 3, 5, 6, 7, 11, 24,  30, 38  беҳтарин ҳисобида шуданд. Ба ғолибони озмун ифтихорномаҳои идораи рӯзномаи «Садом Конибодом» ва Раёсати маорифи шаҳр супорида шуд.