Баҳри  татбиқи иҷрои Қарори  Ҳукумати  Ҷумҳурии  Тоҷикистон аз 3- июни соли 2014,№ 375 “Дар бораи қолинбофии дастӣ ва дигар ҳунарҳои мардумӣ дар Ҷумҳурии Тоҷикистон”, рушд додани ҳунари адрасу атласбофии дастӣ дар вилоят ва дар ин замина бо касбомӯзиву  ҷойи корӣ таъмин намудани занҳои хонашин аз ҷониби Раиси вилоят А.Қодирӣ  “Нақшаи таъсиси марказҳои таълимӣ-истеҳсолии адрасу атласбофӣ дар шаҳру ноҳияҳои вилояти Суғд” тасдиқ карда шудааст.

Доир ба масъалаи мазкур таҳти роҳбарии муовини Раиси шаҳр Илҳом Ҳомидов бо иштироки раисони Ҷамоати деҳот, шӯъбаи Агентии меҳнат ва шуғли аҳолӣ,  маркази таълими калонсолон, шӯъбаи кор бо занон ва оила ҷаласа баргузор гардид.

Иброз гардид, ки тибқи нақшаи тасдиқнамудаи и.в.Раиси шаҳр Ғ.Боҳирӣ ҷиҳати таъсиси марказҳои таълимӣ-истеҳсолии атлас ва адрасбофии дастӣ дар ҳудуди шаҳр ва ҷамоатҳои деҳот 9 марказҳои таълимӣ-истеҳсолӣ ташкил карда мешаванд, ки барои ба касбомӯзӣ ҷалб намудани занону духтарони хонашин ва таъсиси ҷойҳои нави корӣ мусоидат менамоянд.