Инак даъвати тирамоҳии ҷавонон ба сафи Қувваҳои мусаллаҳи мамлакат огоз шуд. Ба муносибати гусели гурӯҳи аввалини ҷавонписарон ба хизмати ҳарбӣ дар комиссариати ҳарбии шаҳр ҷамъомади тантанавӣ баргузор гардид. Дар назди ҳозирин Раиси шаҳр Ғ.Боҳирӣ, комиссари ҳарбӣ Д.Солеҳов, модари сарбоз З.Бердиева, даъватшаванда С.Оқилов ва раиси шӯрои собиқадорони ҷангу меҳнати шаҳр К.Ҳасанов суханронӣ намуда, хизмат дар сафи Артишро шарафу ифтихори ҷавонмардӣ арзёбӣ намуданд.

Раиси шаҳр даъватшавандагонро ба хизмати садоқатмандона, дӯст доштани ватан ва содиқ будан ба халқу давлат ҳидоят намуда, барояшон хизмати бобарор хост.

Бо дуои неки ҳозирин ва дар фазои шодиву тараб наздик 80 нафар ҷавонписарони ихтиёрӣ имрӯз ба хизмати модар-ватан гуселонида шуданд. Ба ин муносибат ҳамчунин барномаи ҷолиби консертии аҳли ҳунар ва дастурхони идона ороста шуд.