Вохӯрии Раиси шаҳр Ғ.Боҳирӣ санаи 1-октябр дар ҷамоати деҳоти Патар идома ёфт. Нахуст зимни суханронӣ Раиси шаҳр аз иқдомҳои бунёдкоронаи сокинони ҷамоат, бахусус ободонии роҳу кӯчаҳои маҳал ёдовар гардида, ташаббуси онҳоро дар асфалтпӯшкунонӣ ва таъмири роҳҳо иқдоми ватандӯстона ва намунаи ибрат арзёбӣ намуд.

Сипас саволу ҷавобҳо бо иштирокдорон сурат гирифта, сокинон оид ба таъсиси корхонаҳои саноатӣ, таъминот бо ҷойи кор, таъмири мактабҳои ҳудуди ҷамоат, сохтани толорҳои варзишӣ ва дигар паҳлӯҳои ҳаёти шахсиву ҷамъиятӣ саволҳо доданд.

Аз ҷониби соҳибкорон ва сокинони ҷамоати деҳот зиёда аз 2 км роҳи байни деҳа ва кӯчаҳои маҳал асфалтпӯшу шағалпӯш гардонида шуданд, ки ин нишондиҳанда дар шаҳрамон беҳтарин аст.

Пас аз мулоқот Раиси шаҳр бо мақсади шиносоӣ аз вазъи хизмати сарбозон аз дидбонгоҳи сарҳадии ҳудуди ҷамоат, ҳамчунин ҷиҳати ба роҳ мондани сохтмони толори варзишӣ аз муассисаи таҳсилоти миёнаи умумии №44 дидан намуд.