Имрӯз дар шаҳрамон барои вакилони маҷлисҳои шаҳрии Конибодом ва шаҳри Исфара семинар-машварати судманд оид ба сарчашмаҳои асосии иқтисодӣ ва молиявии мақомотҳои маҳаллии ҳокимияти давлатӣ баргузор гардид. Машваратро Раиси шаҳр Ғ.Боҳирӣ бо суханҳои ифтитоҳӣ оғоз бахшида, мавзӯи онро барои вакилон ва идоракунандагони буҷет дар маҳалҳо басо муҳим арзёбӣ кард.

Дар машварат оид ба ғанигардонии буҷет дар маҳалҳо, фаъолияти соҳибкорӣ, ҷанбаҳои илмии ислоҳоти иқтисодии Тоҷикистон, мустаҳкам кардани ҳамшарикии иҷтимоӣ ва дигар паҳлӯҳои пешбурди иқтисодиву молиявӣ, бӯҳрони иқтисодӣ ва ислоҳоти он   ибрози андешаҳо сурат гирифт. Вакилони халқ, ки дар пешниҳоди роҳҳои самарабахши иқтисодиву иҷтимоии маҳалҳо, муайян ва баррасии вазъи буҷет нақши бузург доранд, аз ин афкору андешаҳо дар фаъолияти ҳаррӯзаашон истифода хоҳанд бурд. Ҳадафи машварат ҳам додани дастурҳо ба вакилон дар самти тартибу таҳкими буҷет дар маҳалҳо аст.

Олимон ва иқтисодчиён аз Донишгоҳи давлатии иқтисод ва савдои вилояти Суғд Т.Ризоқулов, А.Юсупов,Ҷ.Алиҷонов, А.Ҷалилов оид ба мавзӯҳои мухталифи соҳаи иқтисодиву молиявӣ бо маърӯзаҳои муфассал баромад намуданд.

Дар анҷом саволу ҷавобҳо бо иштирокдорон гузаронида шуда, Роҳбари дастгоҳи Раиси шаҳр А.Ализода бо сипосгузорӣ аз ташкилкунандагони машварат кори ин ҳамоишро ҷамъбаст намуд.