Субҳи имрӯз ба муносибати Иди саиди Қурбон дар масҷидҳои ҷомеи “Тезгузар” ва “Савр” намози ид гузошта шуда, сокинони шаҳрамон бо шукргузорӣ аз тинҷиву ободии ватани азизамон Тоҷикистон ва баҳри боз ҳам шукуфоиву пешрафти диёр дасти дуо кушоданд.

Раиси шаҳр Ғ.Боҳирӣ зимни иштироки худ дар намози идона кулли намозгузорон ва давр симои онҳо сокинони шаҳрро бо фарорасии Иди Қурбон табрик гуфта, орзуҳои нек баён дошт.

Дар баргузории намози идонаи шаҳр намояндаи мақомоти иҷроияи ҳокимияти давлатии вилояти Суғд, муовини Раиси кумитаи иттифоқи касабаи вилоят Обидзода Нӯъмон Юлдошӣ иштиок ва суханронӣ намуда, сокинони шаҳрро аз номи Раиси вилояти Суғд Абдураҳмон Қодирӣ бо Иди саиди Қурбон табрик намуд.

Ҳамчунин дар ин рӯз аз ҷониби Раиси шаҳр Ғ.Боҳирӣ аёдати оилаҳои ниёзманд, маъюбону эҳтиёҷмандон гузаронида шуда, ба ҳар як оилаҳои аёдатшуда маводҳои хӯрокворӣ тақдим гардид. Ба 2 нафар эҳтиёҷмандон аробачаҳои маъюбӣ супорида шуд.