Ба пешвози Рӯзи байналмилалии  муҳофизати кӯдакон дар шаҳрамон  “Ҳафтаи  кӯдакон” эълон  гардидааст.  Дар  ин  доира дар муассисаҳои  таълимӣ  барои  хонандагони  хурдсол ва  дар кӯдакистонҳо  бо иштироки  тифлакон  чорабиниҳои  гуногуни  идона  баргузор гардида, озмуни “Хушнависон”, “Шукуфаҳои  Истиқлол”, мусобиқаҳои  гуногуни  варзишии  кӯдакона,  рассомони наврас,  озмуни  рақс,  шеърхонӣ  ва  ғайраҳо  гузаронида  шуда  истодааст. 

Ғолиби  даври  шаҳрии  озмуни  вилоятии “Шукуфаҳои Истиқлол”, тарбиятгирандаи кӯдакистони №6 Фотимахон  Набиева  дар  даври  вилоятии  озмун  миёни 16  шаҳру  ноҳияҳои  вилояти  Суғд  сазовори  ҷойи  2-юм  гардид.

Иштирокдорон  ва ғолибони  чунин маҳфилҳои  идона  Рӯзи       1-Июн  дар  тантанаи  шаҳрӣ ва  сабқати телевизионии   Рӯзи  кӯдакон  “Парастуи  орзу”, ки  бо  иштироки  Раиси  шаҳр  сурат  мегирад, ширкат  варзида, сазовори  тӯҳфаҳо  мегарданд. Ҳамчунин  барои  кӯдакон  дар  рӯзи  ид  сайругашти  ройгон ва  консертҳои  идона  пешкаш  карда  мешавад.