Аз  ҷониби  прокуратураи шаҳр  дар  якҷоягӣ  бо мақомоти иҷроияи ҳокимияти давлатии шаҳр   дар  Қасри фарҳанги “Мошинсозон” мулоқоти  кормандони  мақомоти  ҳифзи  ҳуқуқ  бо  сокинони шаҳр, ҷавонону наврасон, роҳбарони ташкилоту муассисаҳо, раисони кумитаи маҳаллаҳо  баргузор  гардид.  Дар оғози  ҷамъомад Раиси шаҳр  Ғайбулло Боҳирӣ  ба сухан баромада, оид ба пешгирии гаравидани ҷавонон ба ҳизбу ҳаракатҳои ғайриқонунӣ, тарбияи ҷавонон дар рӯҳияи расидан ба қадри ободиву соҳибватанӣ, муносибату масъулияти самимона ва устувори волидон нисбат ба фарзандон ибрози назар намуд.

Прокурори шаҳр, мушовири адлияи дараҷаи 1  Ҳасан Низомӣ ва имомхатиби масҷиди Тезгузар Нуруллоҳхон Ҳидоятов дар суханронии худ иброз доштанд, ки мутаассифона дар шаҳри мо низ ҳастанд ҷавононе, ки бинобар гумроҳиашон ба иттиҳодияҳои ғайриқонунии давлатҳои исломӣ шомил гардида, ҳаёти худро талаф медиҳанд. Андешидани чораҳои зарурӣ аз ҷониби кормандони мақомоти дахлдор дар ин самт идома дорад.

Ҷамъомад  бо саволу ҷавобҳо сурат гирифта, дар анҷом филми ҳуҷҷатӣ аз ҳаёт  ва  оқибати  амалҳои ҷавонони тоҷик, ки дар ҷангҳои давлати Сурия иштирок кардаанд, манзури ҳозирин гардонида шуд.