Мадрасаи мазкур аз тарафи ҳокими ҳамон давра Мирраҷаб Додхоҳ сохта шуда, дар он асосан писарбачаҳо таҳсил мекарданд. Домулло - Олим дар ин мадраса мударрис буд.

Баъди он,  ки қариб 80 фоизи тарҳи Мадраса несту нобад шуд, солҳои 1977-1983 Мадраса таъмир гардида, соли 1983 дар заминаи он дар Конибодом Осорхонаи таърихӣ кушодашуд.

Ҳоло дар осорхона 20 ҳуҷраҳо мавҷуд буда, дари ҳуҷраҳо ва дарвозаи Осорхона аз тарафи кандакори шинохтаи шаҳр Усмонбек Мирраҳимов бо шогирдонаш кандакорӣ гардидааст.

Соли 2014 осорхона аз тарафи лоиҳаи ташкилоти ҷамъиятии «Тараққиёт» бо маблащгузории сафоратхонаи Амрико дар Тоҷикистон таъмир гардида, болопӯши қисмати ҷанубии осорхона ва 6 ҳуҷраҳои он таъмир шуд.  Дар осорхона 6540 адад нигораҳо мавҷуд буда, дар 6 ҳуҷраҳои таъмир шуда фулузот, сафолот, хонаи анъанавии конибодомиён сару либос, ҳуҷраи кандакорӣ, ҳуҷраи ҳунарҳои муосири ҳозира ҷой дода шудаанд.

Мадрасаи Мирраҷаб – Додхоҳ яке аз 4 ёдгориҳои таърихии аҳамияти ҷумҳурияви дошта мебошад.