Мадрасаи Мирражаб Додхоҳ, ки ҳоло ҳамчун  осорхонаи таърихӣ-кишваршиносӣ  фаъолият дорад, бо маблағгузории  Сафоратхонаи  Амрико  дар  Тоҷикистон  қисман  аз  таъмири  хушсифат  бароварда  шуд.  Ба  корҳои  таъмири  Мадраса  79 ҳазор  доллари ИМА маблағ ҷудо шуда, боми қисмати ҷанубии осорхона тунукапӯш гардид ва 6 ҳуҷраҳои осорхона таъмир ва бо нигораҳои таърихӣ ҷиҳозонида шуданд.

Бо мақсади шиносоӣ аз корҳои иҷрошуда Сафири Амрико дар Тоҷикистон Мери Сюзан Эллиотт ба осорхонаи таърихии шаҳрамон ташриф овард. Ҳини боздид аз осорхона Сафир аз корҳои анҷомшуда қаноатмандии хешро иброз дошт. Раиси шаҳр Ғайбулло Боҳирӣ ва Сюзан Эллиотт оид ба нақшаҳои минбада сӯҳбат намуданд ва зикр гардид, ки ин ҳамкорӣ аввалину охирин нахоҳад буд.

Сафоратхонаи Амрико дар 120 давлати дунё амал менамояд ва дар маҷмӯъ 650 лоиҳаҳои гуногунро дар минтақаҳои мухталифи кишварҳои хориҷ татбиқ намудааст. Дар Тоҷикистон бошад 45 барнома ва лоиҳаҳоро амалӣ карда, беш аз 540 ҳазор доллари ИМА маблағ ба Тоҷикистон ҷалб карда шудааст. Мадрасаи Мирраҷаб Додхоҳ аз ҳисоби Фонди сафоратхона, ки барои ҳифзи фарҳанг ҷудо гардидааст, таъмир шудааст.