22  Май  гурӯҳи  кории мақомоти  иҷроияи  ҳокимияти  давлатии  вилояти Суғд   дар  ҳайати  мутахассисонии  соҳаи  кишоварзӣ бо  роҳбарии  муовини  Раиси  Раёсати  кишоварзии  вилояти  Суғд  Бобоҷон  Домуллоев  ба  шаҳрамон  ташриф  оварда,  дар  хоҷагиҳои  кишоварзии  ноҳия  бо  вазъи  корҳои  саҳроӣ,  кишти  пахта  ва  нашъунамои  он, таъмини  оби  полезӣ, таъмини  озуқа, коркарди  зироатҳо  ва  нармкунии  замин  шинос  гардиданд. 

Кишти  зироатҳо  дар  хоҷагиҳои  кишоварзии шаҳрамон  дар  арафаи  анҷомёбӣ  буда, рӯзҳои  наздик  нуқтаи  зообойторӣ  дар  ҷамоати  деҳоти  Ортиқов  кушода  мешавад.

Баъдан  дар  мақомоти  иҷроияи  ҳокимияти  давлатии  шаҳр  таҳти  раёсати  Раиси  шаҳр  Ғайбулло  Боҳирӣ  бо  иштироки  роҳбарони  хоҷагиҳои  кишоварзӣ, раисони  ҷамоатҳои  деҳот  ва  мутахассисони  соҳаи  кишоварзӣ  ҷамъомад  доир  гардида,   аз  ин  санҷишу  шиносоӣ  натиҷагирӣ  карда  шуд,  ки дар  он  мутахассисони  соҳаи  кишоварзии  вилояти  Суғд  ба  сухан  баромада,  аз  корҳои  саҳроӣ  изҳори  қаноатмандӣ  намуданд ва  дар  баробари  ин  баҳри  бартараф  намудани  баъзе  камбудиҳои  ҷойдошта  маслиҳатҳои  муфид  доданд.