Аввалин килограмҳои пилла аз ҷониби кирмакпарварони шаҳрамон ба хирман   ворид гардид.   9  нафар  кирмакпарварони  пешқадам   аз  ҷамоатҳои деҳоти Пӯлодон, Ортиқов  ва  Ҳамробоев  ҳосили  хушсифати  пиллаи  парваришнамудаашонро  супоридан.  Дар  аввалин  мавсими  пилласупорӣ   Раиси  шаҳр   Ғайбулло  Боҳирӣ,   муовини   Раиси  вилояти  Суғд   Сулаймон  Зиёбоев,  муовини  Раиси  раёсати  кишоварзии  вилояти  Суғд  Бобоҷон  Домуллоев, сардори  идораи  пиллаи  вилояти Суғд Муҳаммадҷон  Ёқубов   иштирок  карда,  ба  кирмакпарварони  шаҳрамон  хирмани  фарвон  ва  баракати  ҳосилро  таманно  намуданд.

Ба  кирмакпарварони  пешсаф  тӯҳфаҳои  хотиравӣ  тақдим  гардид.  Пилласупорӣ  аз  ҷониби  кирмакпарварон  идома  дошта,  дар  рӯзи  аввали  қабул  300  килограмм  пиллаҳои  хушсифат  ба  хирман  ворид  гардид.  Кирмакпарварони  шаҳрамон  парвариш  ва  супоридани  115  тонна  пиллаҳои  аълосифатро  дар  нақша  доранд.